CRTVG

Buscar

Atopan en bo estado o mozo de Carnota desaparecido en Santiago hai unha semana

Publicado o 05/06/2019 15:47

Axentes da Policía Nacional localizaron en bo estado Alex Mouzo Díaz, de 22 anos, desaparecido desde o xoves pasado. Esta mañá unha patrulla localizouno en Lugo, segundo información policial, que non dá máis pormenores debido a que mozo é maior de idade e ausentouse estes días porque el quixo.

Mouzo Díaz, natural da localidade do Pindo, no concello coruñés de Carnota, desaparecera na noite do xoves pasado cando participaba nas festas da Ascensión. A súa familia e amigos non tiveron noticias del desde ese día e fora visto por última vez na zona do Campus Sur da Universidade compostelá.

As persoas do seu entorno agardeceron en redes sociais a axuda de todos os que se mobilizaron para poder dar con el.

 

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí