Nova demora na entrega de vacinas de AstraZeneca. O laboratorio entregará entre abril e xuño só a metade das doses pactadas coa Comisión Europea.

Repartirá 90 millóns de doses, dos 180 que se agardaban para o segundo trimestre.

A farmacéutica afirma que seguen a traballar para solucionar os problemas na súa cadea de subministración europea. 

Mañá dará comezo o cumio de líderes da Unión Europea e, sobre a mesa, de novo, tensións coa farmaceutica británica.

Hai que lembrar que AstraZeneca xa acumula o atraso do primeiro trimestre, cando reduciu as doses pactadas á metade.