O ano vai acabando e toca planificar o seguinte! Xa son definitivos os festivos para 2021, que trae ata dúas grandes pontes:

· Unha arredor do 12 de outubro, que cadra en martes, polo que se poden empatar catro días

· A outra aproveitando a Constitución (6 de decembro) e a Inmaculada (8 de decembro), que cadran en luns e mércores, polo que se poden encadear ata cinco días de descanso.

Aquí en Galicia, podemos coller tres días seguidos tendo en conta que:

· O 19 de marzo cadra en venres

· O 17 de maio coincide en luns

· O 1 de novembro é luns tamén

A Semana Santa de 2021 permite ata catro días de descanso consecutivos: o ano que vén é desde o día 1 de abril (Xoves Santo) ata o 4, domingo de Resurrección.

E recorda! A estes festivos hai que sumarlles aínda os dous que elixe o teu concello.