CRTVG

Buscar

Así foi a previa ao debate coa chegada dos candidatos

Publicado o 29/06/2020 21:17
Así foi a previa ao debate coa chegada dos candidatos

• 21.10 Os sete candidatos están xa no estudio 5 da TVG e reciben as últimas consignas dos seus asesores

• 20.35  Alberto Núñez Feijóo, candidato do PPdeG, chegou ás intalacións da CRTVG e na súa primeira intervención pediu que sexa un debate con respecto. "Agardo un debate respectuoso cos candidatos, con cidadáns e cos familiares das vítimas". Feijóo di que hai dúas opcións para Galicia: un multipartito ou un goberno dun partido maioritario que aplique o seu programa electoral dende o primeiro instante. 

O candidato do PPdeG tamén salientou a experiencia coa que conta para afrontar a crise. "Poderei aplicar o meu programa, serei un presidente libre".  

• 20.33 Pancho Casal, líder de Marea Galeguista, foi o penúltimo candidato en chegar ás instalacións da CRTVG, e dixo:  "Veño con moita ilusión porque o 12 de xullo hai que lembrar que se elixe un parlamento, non un presidente, un parlamento que vai definir cal vai ser o futuro de Galicia con toda a reconstrución nesta nova normalidade. E unha das cousas que veño consequir é que Alcoa non peche".

"A realidade é que temos catro minutos por bloque en cousas que o señor Feijóo tivo catro meses nos telexornais da Televisión de Galicia", dicía Pancho Casal, en previsión do que agarda para o debate.

• 20.30 Chega o candidato do PSdeG Gonzalo Caballero, candidato dos socialistas galegos. Na súa intervención previa dixo que "o Partido Socialista é un partido que sabe gobernar en concellos, en España, e o 12 de xullo xogamos o futuro que queremos. Xogamos unha Galicia de progreso fronte a unha Galicia cun proxecto esgotado. Xogamos unha Galicia liderada polo Partido Popular ou unha Galicia liderada polo Partido Socialista.

"E nós pensamos que nunha crise coma esta non é o mesmo que goberne a dereita á que goberne a esquerda. Necesitamos políticas progresistas para defender os servizos públicos, a sanidade pública, o estado do benestar, e tamén para facer unha nova política na reconstrución en que ninguén quede na cuneta", explicaba o candidato do PSdeG.

• 20.21 Antón Gómez-Reino, candidato de Galicia en Común-Anova, chegou á CRTVG e as súas primeiras palabras foron para os traballadores de Alcoa que se manifestaban ás portas das instalacións da corporación dos mediso públicos galegos e dixo que "é imprescindible salvar os máis de cincocentos postos de traballo que hai en xogo agora mesmo na Mariña".

"É un pracer estar nesta casa. Tamén dicir que temos o compromiso de acabar co control político do Partido Popular na radiotelevisión pública de Galicia", dixo Gómez-Reino, quen dixo que "hoxe imos trasladar a nosa proposta de futuro para cambiar este país, e hoxe agardamos comezar a deixar atrás a Galicia do pasado e do Partido Popular".

• 20.00 Ana Pontón, a candidata do BNG, chegou arredor das oito da tarde, e á súa chegada dixo que estaba "encantada de estar na casa de todos os galegos e galegas para que hoxe poidan ver cal é o contraste entre as opcións políticas e intentar ilusionar máis xente co cambio que cremos que representa o BNG".

"Cremos que este é un gran país, con moitas oportunidades, e nesta crise temos todo para poder saír adiante, enfrontando os problemas que temos", asegurou Ana Pontón, quen dixo que o debate "é a esencia da democracia, non entenderiamos unhas eleccións sen un debate, e agardamos que sirva a todas as persoas que teñen dúbidas, e desde o BNG intentaremos convencer máis galegos e galegas de que somos a alternativa real".

• 19.52 Beatriz Pino, candidata de Ciudadanos, agradeceu á súa chegada á CRTVG, ás 19:50, "a posibilidade de falar directamente a todos os galegos para que coñezan as políticas que temos que propoñer, políticas laranxas que van ser fundamentais para poder reconstruír Galicia despois desta pandemia que estamos a vivir".

"Son políticas que van permitir que Galicia non siga varada catro anos máis, que van permitir que lle deamos futuro".

• 19.37 O candidato de Vox pola provincia da Coruña, Ricardo Morado, chegaba ás instalacións da CRTVG. Á súa chegada fixo a primeira valoración do que agarda para este debate: "Asistimos ao debate coa intención de sorprender, esperando que trancorra por camiños democráticos e a tranquilidade que non estamos tendo nesta campaña electoral", asegurou Ricardo Morado.

Política
PPdeG PSdeG-PSOE BNG Ciudadanos Vox Galicia En Común-Anova Eleccións 12-X Marea Galeguista
Núñez Feijóo (PPdeG): "Hai dúas opcións: un multipartito ou un goberno con experiencia"
Beatriz Pino: "Pídovos que o 12 de xullo pensedes o voto, porque ten que ser un voto sen conformarnos"

Máis sobre Política

Os Mossos dispersan os CDR tras calcinar colectores de lixo en Barcelona
28/09/2020 23:38
Os Mossos dispersan os CDR tras calcinar colectores de lixo en Barcelona
Villarejo, nos audios da Kitchen: "As maldades que me encargaron para salvarlle o cu ao Barbas"
28/09/2020 23:13
Villarejo, nos audios da Kitchen: "As maldades que me encargaron para salvarlle o cu ao Barbas"
Madrid defende a eficacia da súa estratexia e rexeita a imposición do Goberno
28/09/2020 22:43
Madrid defende a eficacia da súa estratexia e rexeita a imposición do Goberno
Torra despídese da Generatitat coa pancarta que lle custou a inhabilitación
28/09/2020 22:13
Torra despídese da Generatitat coa pancarta que lle custou a inhabilitación
Primeira aparición do rei tras a súa ausencia no acto de Barcelona
28/09/2020 21:00
Primeira aparición do rei tras a súa ausencia no acto de Barcelona
O independentismo mobilízase contra a inhabilitación de Torra
28/09/2020 20:31
O independentismo mobilízase contra a inhabilitación de Torra