Esta é a imaxe de Ferrol neste Venres Santo tan atípico. Non é a primeira vez que a cidade queda sen procesións. Xa acontecera durante os sucesos de marzo de 1972, pero daquela a celebración puido facerse doutro xeito. Este ano, hai que conformarse con aceder candeas e lembrar con mensaxes e difusión nas redes os desfiles doutros anos.

Especialmente díficil é este día para as mulleres do terzo da Virxe da Esperanza da Confraría de Dolores, que son as encargadas de portar a imaxe do Nazareno, dirixido por Lola Casares, a herdeira da tradición da Semana Santa Ferrolá tal e coma hoxe a coñecemos.

Así está hoxe a praza de Amboage, e así debería estar na hora do Santo Encontro, un dos momentos máis emotivos da Semana Santa Ferrolá.

A hostalería e o comercio son outros dos grandes prexudicados. Esta semana adoita ser para eles a de maior facturación do ano. Estiman que se van perder arredor de 40 millóns de euros que non vai ser doado recuperar antes as perspectivas turísticas da campaña de verán.