CRTVG

Buscar

Asaltan tres rochos nun inmoble da Coruña e levan unha bicicleta de gran valor

Publicado o 18/09/2020 14:02

Coas portas rebentadas. Así quedaron os tres rochos asaltados neste inmoble situado preto da estación de autobuses da Coruña.

"Rebentaron as portas e roubaron o que había dentro. Dun deles levaron unha bicicleta", comenta José Amado, un veciño do inmoble.

Os veciños cren que o ladrón ou ladróns actuaron ao caer a noite. E sospeitan que accederon ao edificio pola porta do garaxe.

Esta é a segunda vez que reciben a ingrata visita dos amigos do alleo.

"Da outra vez, desde as escaleiras, cortaron o cable do cobre, tiraron e levaron todo o da toma de terra. Foi un gasto de 3.000 euros", explica José Amado.

Así que, para evitar un novo roubo piden que se extremen as precaucións.

Agora, a Policía Nacional é quen se encarga de investigar quen e como puido acceder ao interior do edificio. 

Noticias web

18/09/2020