CRTVG

Buscar

As xeadas deixan temperaturas de ata dez graos baixo cero no sur de Ourense

Publicado o 05/01/2019 21:24

O anunciado descenso das temperaturas deixou sorpresas en forma de frío e xeadas que fixeron que os termómetros chegasen aos dez graos baixo cero nalgunhas localidades ourensás como Calvos de Randín. En Verín, rexistráronse nove negativos. Os campos brancos pola xeada son a estampa da primeira hora da mañá.

Tamén no centro de Lugo, en Vialba o termómetro baixou ata os neva graos baixo cero e en Sarria, pouco menos: oito negativos houbo a pasada noite

O curioso é que nesta ocasión as temperaturas máis baixas se deron nos vales, mentres que en zonas altas coma en Cabeza de Manzaneda ou en Pedrafita os termómetros chegaron aos cinco e seis graos, respectivamente.
De cara a mañá, de novo as néboas no centro de Lugo farán que as temperaturas sexan extremadamente baixas.
Os magos de Oriente terán que se enfrontar a unha noite máxica e tamén fría.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

05/01/2019