Novidades no crime de Samuel Luiz. Varias testemuñas identificaron os detidos como as persoas que mataron o mozo coruñés.

O sumario recolle comentarios e actitudes homófobas dos agresores, o que agravaría as penas. Se se confirman, os arrestados enfrontaríanse á agravante dun delito de odio.

Co levantamento do segredo de sumario por parte da maxistrada, pouco a pouco van transcendendo datos da investigación e o contido dos testemuños. 

Hai seis persoas investigadas directamente pola morte de Samuel, tres homes que están en prisión, a moza que está en liberdade e dous menores que se atopan baixo a tutela dun centro de menores.

A Policía Nacional continúa coas investigacións e non se desbota que haxa novas detencións.