Pasa todos os anos. Cando chega a calor, tamén as serpes reaparecen despois dun inverno de letargo. De aí o traballiño que lles están dando, por exemplo, aos axentes da Policía Local de Vigo, que cada vez que soben as temperaturas non dan feito en retiralas.

Das nove especies de serpes presentes en Galicia, só dúas especies son velenosas, dous tipos de víboras. Así que, se se cruzan no noso camiño, o primeiro que cómpre ter é calma.

A non ser que as molestemos, o ataque é improbable pero, chegado o caso, cómpre procurar atención médica.