CRTVG

Buscar

As praias da comarca de Ferrol prepáranse para recibir os mellores surfistas do mundo no Pantin Classic

Publicado o 26/08/2019 20:30

As praias da comarca de Ferrol prepáranse para recibir os mellores surfistas do mundo no Pantin Classic, proba que se vai disputar a partir do mércores. As boas condicións naturais desta zona da costa galega fanna óptima para a práctica do surf que ao seu redor move unha oferta turística que medra ano tras ano.

Situado aos pés da praia e da lagoa da Frouxeira, en Valdoviño, este cámping é un das incorporacións máis recentes á crecente listaxe de establecementos turísticos que inclúen na súa oferta servizos para os que practican surf.

Malia que non hai rexistros nin datos oficiais sobre o impacto que unha actividade como surf ten en Ferrolterra, a súa presenza no turismo da comarca é cada vez maior. Desde a marca de promoción turística Costa das Ondas, creada hai catro anos desde a mancomunidade de municipios das comarcas de Ferrol, Eume e Ortegal, cifran en 12 as praias con alta calidade para a práctica do surf que contan con 12 escolas deste deporte, un museo e 30 establecementos turísticos.

Moitos deles aproveitarán para visitar Ferrolterra nestas datas coincidindo coa celebración do Pantin Classic.

Noticias web

26/08/2019