A Federación Internacional de Fabricantes e Asociacións Farmacéuticas considerou "decepcionante" o apoio do presidente estadounidense Joe Biden a unha suspensión das patentes nas vacinas contra a covid−19, algo que, manifestaron, "non aumentará a produción de dose". "Isto pode levar á desorganización", asegurou nun comunicado a organización global de farmacéuticas, que destacou que deben solucionarse outras limitacións á produción de dose "como a eliminación de barreiras comerciais ou a subministración de materias primas e outros ingredientes".