As comunidades autónomas comezaron a recibir este venres máis dun millón e medio de doses da vacina de AstraZeneca.

Esta nova remesa súmase a 1.750.000 vacinas de Pfizer, 400.000 de Moderna e 126.000 de Janssen, que só precisa dunha soa dose. 

Segundo manifestou a ministra de Sanidade, esta é unha semana récord na chegada de vacinas, e marca un "punto de inflexión" na campaña de inmunización.

A chegada destas doses permitirá, segundo Darias, que a próxima semana se chegue a 5 millóns de cidadáns inmunizados coa pauta completa, é dicir, o 10 % da poboación.