Polo menos 25 persoas morreron polas inundacións provocadas por mor das choivas torrenciais na provincia chinesa de Henan. Ademais, 200.000 persoas tiveron que ser evacuadas ata o momento. As autoridades alertaron de que a situación podería empeorar polo risco de desbordamento de dúas presas. 6.000 bombeiros e 7.000 soldados despregáronse para participar nas tarefas de rescate provocadas polas que segundo medios chineses son as peores choivas da historia na zona.