As autoescolas galegas vense superadas pola elevada afluencia de alumnos que queren sacar o carné para conducir camións. Algo, din, nunca visto, xa que sempre houbo camioneiros dabondo. Pero agora a situación mudou, e só en Galicia estímase que fan falta uns 2.000.

Malia tratarde dun traballo duro e xa non tan ben pagado como hai anos, cada vez son máis os que se animan.

O peor, din, é que faltan examinadores, e tardan mesmo máis de seis meses en obter o carné. Ademais están os gastos: unha media de 2.000 euros para obter o carné e para superar o curso de capacitación profesional.