Remataron en Cangas as xornadas sobre adiccións en xente nova que organizaron os propios alumnos dos institutos da zona. E unha vez máis, rapaces e expertos poñen o acento nas apostas deportivas, que se están a converter nun grave problema de saúde pública. Todos piden unha regulación máis restritiva e maior información para os mozos.

O 80% dos menores que apostan fano en locais de hostalaría. Os expertos apuntan a que hai moitos intereses comerciais e tamén a que as administracións van por detrás. Tamén apuntan á responsabilidade dos pais e a que estas cuestións se aborden nos centros de ensino.