Este mediodía arranca en Cataluña a rolda de consultas de cara a formar goberno. A presidenta do Parlamento, Laura Borrás, recibe hoxe os partidos minoritarios. Todo apunta a que a investidura está bastante atada. 

Xa está todo preparado para que comece a rolda de consultas co obxectivo de propor un candidato á presidencia da Generalitat de Cataluña. O primeiro en pasar será o representante do Partido Popular e mañá rematará o proceso con Salvador Illa, dos socialistas cataláns.

Todos pendentes das negociacións entre partidos independentistas. De momento hai un preacordo entre Esquerra Republicana e a CUP. Falta o apoio imprescindible de Junts, que vai forzar ata o final para arrincar máis compromisos aos republicanos.

Todo apunta a que o candidato proposto por Borrás para a investidura será Pere Aragonés e que o debate será o venres, tal e como marca o regulamento.