A multinacional Applus anunciou que xestionará desde Galicia o seu centro de servizos financeiros para 70 países. Situarase en Sada antes de finais deste ano e dará emprego a cen profesionais.

Na actualidade a compañía tecnolóxica emprega xa 1.500 persoas na nosa comunidade. O centro de servizos financeiros situábase ata o de agora en Asia e agrupará as áreas de finanzas, administración, contabilidade, xestión de cobros e facturación. Segundo a empresa, a elección de Galicia vén dada polas vantaxes competitivas do noso territorio.