CRTVG

Buscar

Aparece un cadáver en avanzado estado de descomposición nun pozo no Porriño

Publicado o 21/02/2021 20:50
Aparece un cadáver en avanzado estado de descomposición nun pozo no Porriño

Esta tardiña atoparon un cadáver nun pozo que había nesta nave abandonada do Cerquiño. Pouco transcendeu sobre este achado. É un cadáver en avanzado estado de descomposición e ata hai uns minutos non se puido sacar deste pozo.

As primeiras pescudas non achegan ningunha información fiable que permita a súa indentificación. Todo apunta a que podería estar morto desde hai varios días ou mesmo semanas. Axentes da Garda Civil, Policía Local e bombeiros están aínda nesta nave abandonada na que foi localizado o corpo.

Foron os propietarios do local industrial, situado no polígono da Granxa, os que atoparon o corpo cando realizaban unha visita cuns albaneis para supervisar unhas obras nesa nave.