Sobre as nove menos vinte da mañá o 112 recibía a chamada de varios viandantes alertando que un corpo ía río Miño abaixo. Axiña chegaron os servizos de emerxencia.

Foron membros de Protección Civil e os bombeiros de Ourense os que rescataron o corpo achegándose a el, que nese intre estaba aboiando ao pé da ponte romana, cunha moto acuática.

Tras o levantamento do cadáver, foi trasladado ao CHUO para facerlle a autopsia, en principio non presentaba signos de violencia e a Policía Nacional investiga as circunstancias da morte. O home tiña 77 anos e era veciño de Ourense.