A imaxe da virxe do cruceiro da capeliña de Cruceiro Novo, na Pobra, apareceu na madrugada do venres ao sábado. Levaba desaparecida dende o mes de abril. Unha condutora atopouna na estrada que vai de Moldes a Palmeira e decidiu dar aviso á Policía Local de Ribeira. Catro meses despois, a figura escultórica volve á capela.

"Os cruceiros de capela ou capeliña son singulares e distintos dos convencionais. A comarca do Barbanza é a que máis exemplares ten", apunta Carlos Fernández, presidente da Asociación para a defensa do Patrimonio Galego. Caracterízanse, entre outras cousas, por ter "un espazo baleiro onde se deposita unha figura", engade. O feito de que se atopara na estrada de Palmeira a Moldes, a tan pouca distancia de onde desapareceu fai pensar "nun acto de vandalismo", explica Fernández.

4 meses despois, a figura escultórica volve á capela, da que supostamente saíu por un acto vandálico. Os cruceiros de capela ou capeliña son singulares e distintos dos convencionais

A comarca da #Barbanza é a que máis exemplares ten, e #Rianxo o concello con máis @G24Noticias pic.twitter.com/nlrkJn23bN

— Asociación para a defensa do Patrimonio Galego (@apatrigal) August 8, 2020