A primeira edición do Premio María Victoria Moreno de Literatura Xuvenil xa ten gañador. É Antonio Manuel Fraga pola obra 'O bestiario científico de Anxos Nogueirosa'.


O xurado destacou "a fortaleza das personaxes femininas e o feito de introducir o bestiario máxico galego nun contexto histórico, ademais da súa sensibilidade na escrita". Antonio Manuel Fraga explicou que levaba anos traballando neste libro dedicado a dúas mulleres: a científica Ánxeles Alvariño e a mestra Elvira Bao. A trama está ambientada nos anos da República e ten como escenario as colonias do sanatorio de Oza.