No Museo Ramón M. Aller, ata o 13 de marzo, podemos ver a mostra Creacións máxicas de medidas exactas, Maruja Mallo e Luis Seoane en Bos Aires. Son 43 obras do periodo 1936-1965, 18 de Maruja Mallo e 25 de Luís Seoane. A exposición inclúe óleos, pero tamén debuxos, tintas ou acuarelas de ambos os artistas. O comisario analiza os paralelismos e as diverxencias nas traxectorias vitais destes dous artistas, en especial no tocante ao seu compromiso político.