Un himno á esperanza neste tempo de loita e confinamento. É o tema que o galego Antonio Luz compuxo para recoñecer tamén o traballo de todos aqueles heroes anónimos apostados na primeira liña desta loita.

Garda civil de profesión, este ourensán natural de Sarreaus e destinado en Madrid, emprega a súa faceta de cantautor para desexar que esta situación se converta nunha lección de vida que nos faga máis humanos.

Desde o seu confinamento en Madrid, admite que, malia ter morriña, agora toca ser responsables.