E hoxe acabamos coas bágoas dun campión. O tenista Andy Murray non puido conter a emoción tras anunciar o final da súa carreira. Non aguanta máis. Leva case dous anos arrastrando unha lesión na cadeira.
Gustaríalle retirarse en Wimbledon pero non sabe se poderá chegar tan lonxe. Con 31 anos, vaise un tenista que chegou a ser número un, gañador de tres Grand Slams, unha Copa de Mestres e dous ouros olímpicos.