A Audiencia Nacional decidiu remover os actuais administradores das plantas de Alu Ibérica na Coruña e Avilés e acordar a administración xudicial para elas. As factorías xa foran intervidas hai meses por ver a xuíza indicios de descapitalización nas sucesivas operacións de venda de Alcoa. A empresa anunciou que probablemente recorrerá o auto.

Mentres, mañá, a ministra de Industria, Reyes Maroto, reunirase na Coruña co comité de empresa da fábrica herculina.