A prorrogación dos ERTE foi recibida con alivio polos 22.000 traballadores que en Galicia están a día de hoxe acollidos baixo esta protección.

A cifra está moi lonxe dos 165.000 que chegou a haber durante o estado de alarma. Con todo, cren que a fin da tempada turística e as restricións que traen aparalledas os novos gromos poderían aumentar o número de empresas en problemas. 

Emilio Fernández, camareiro en ERTE conta: "Teño moitísimos compañeiros en ERTE, nós mesmos, e arriba xa veremos que pasa. Vai haber moitísimos locais que van ter que pechar, que non van poder aguantar isto". 

Leatnet Quesada, camareira en ERTE, relata: "O que teño de cotización non chega ao ano. Normalmente, non me correspondería nada de desemprego".

Para Sara Santos, presidenta de Hostalería Compostela, "esta medida é o necesario non, o imprescindible, para poder malsubsistir como estamos facendo ata agora".