Alba Merino, centrocampista do Deportivo Abanca, recoñeceu que ao vestiario do equipo feminino do conxunto coruñés sorprendeulle o comunicado da Federación Española de Fútbol (RFEF) que expón dar por finalizada as competicións, entre elas a Primeira Iberdrola, sen descensos.

"Onte a Federación sacaba un comunicado no que había a opción de que rematase xa a competición. Non o esperaba. Estabamos pendentes de poder regresar á competición e terminala. Sorprendeunos a todas ese comunicado", recoñeceu en conferencia de prensa.