Os principais atractivos turísticos de Galicia que precisan reserva previa xa non teñen prazas libres ata o mes que vén. Por exemplo, para visitar o Pórtico da Gloria hai que esperar ata o día 8 de setembro.

Na Mariña, tanto a ruta do Fuciño do Porco como a praia das Catedrais teñen a ocupación completa xa para o que queda de semana. O mesmo acontece cos pases para as illas Ons e Cíes. Os visitantes esgotan practicamente as prazas aproveitando estes días de bo tempo.