Mañá será un día clave para o grupo parlamentario de En Marea. É o prazo que se deron os deputados afíns a Villares e os críticos para acordar o nome do senador por designación autonómica.

A proposta do Consello das Mareas é Mariló Candedo e a dos críticos, José Manuel Sande. Segundo fontes de En Marea, se antes das seis da tarde de mañá non hai consenso, abriríase un prazo de votación telemática entre os deputados que se pecharía as doce da noite. O que aínda está por ver é se os afíns a Villares participarán nesa votación.