Logo doutro final de temporada agónico, van dous seguidos que poñen a proba o corazón dos seareiros, o Lugo logrou o obxectivo e seguirá un ano máis en SegundaBucinas, bengalas e aplausos para recibir coma heroes os membros do equipo na chegada ao Anxo Carro esta tarde.

Non era para menos o xúbilo da afección alí congregada. Ledicia desbordada e alivio inmenso. Foron semanas moi difíciles, en que cada xornada semellaba máis lonxe a permanencia. Pero ao final foi posible a fazaña.