Detrás do día a día dos deportistas que se adestran na casa, ou se divirten con retos físicos virtuais, hai outra realidade, a económica. Non hai deporte, non hai ingresos.

Un 90% menos de ingresos, algo que será habitual esta temporada para moitos deportistas. E non todos poden ser, como Adrián Ben, finalistas nun Mundial. Ser o sexto atleta do mundo nos 800 metros deulle un sosego económico e un billete olímpico co que ás veces ten pesadelos.

Nin xogos, nin quizais temporada. De aí ese interrogante para aqueles que non son estrelas planetarias. De que viven os deportistas cando non hai deporte de competición.