En fútbol sala, Adri, xogador do Parrulo, foi nomeado mellor ala da temporada na Liga Nacional de Fútbol Sala.

O xogador ferrolán foi o máis votado polos adestradores e capitáns da Primeira División. Anteriormente, Adri fora escollido polos afeccionados de todos os equipos dentro do Top 3 de alas da categoría.

O xogador do Parrulo é internacional con España e anotou 16 goles nos 23 partidos que disputou esta temporada. O premio, iso si, terao que compartir co xogador do Barcelona Adolfo. Os dous tiveron a mesma puntuación nas votacións.