Dando un pequeno paseo podemos atopar distintas especies de boletos, algunha macrolepiota, coprinus, atarius. Un pouco de todo e algo antes do previsto. Adiántase a campaña da súa recollida, aproveitando o empurrón que lles deu a chuvia.

Din que o deste verán non é algo extraordinario, o que ocorre é que cada vez chove menos en xullo e agosto e por iso é difícil dar con estas especies típicas da fin da temporada estival. Pero semella que este ano a meteoroloxía se puxo de cara para os amantes dos cogomelos.

E lembran algo importante: hai arredor de 50.000 especies de cogomelos arredor do mundo, así que resulta imprescindible ter claro o que se recolle e, sobre todo, o que levamos ao prato.