O derbi da Liga Asobal entre o Cisne e o Cangas previsto para este sábado foi aprazado por un gromo de Covid-19. Dous novos positivos detectados entre os xogadores do Dicsa Modular Cisne, levaron o club pontevedrés a solicitar o aprazamento do partido contra o Frigoríficos do Morrazo, correspondente á xornada 21.

O Cisne, que xa tivera que aprazar os partidos ante o Granollers e o Ademar, pide agora máis tempo para recuperar a forma física. Estudará coa directiva do Cangas unha nova data para o derbi.