A proposta da reserva estratéxica de gas impulsouna o Goberno de España, e asínana de maneira conxunta a vicepresidenta primeira, Nadia Calviño, e os ministros de Economía e Finanzas de Francia, Grecia, Romanía e Chequia, que apoian a medida. Piden unha reforma urxente do mercado enerxético, que pasaría pola creación dunha reserva estratéxica de gas conxunta. Din que é a maneira de reducir a dependencia dos mercados do estranxeiro, en plena escalada de prezos.