CRTVG

Buscar

Acepta un ano de prisión por abusar da filla menor duns coñecidos

Publicado o 31/10/2019 12:45

Un veciño de Monforte sentou hoxe no banco dos acusados da Audiencia Provincial de Lugo, acusado dun delito de abusos sexuais a unha menor. Segundo o escrito do fiscal, os feitos ocorreron en agosto de 2016, cando a vítima tiña 15 anos. O acusado, ao parecer, é un coñecido da familia da menor, xa que en máis dunha ocasión fixera algunhas obras na súa casa.

O día dos feitos a moza estaba no seu cuarto, na cama, cando o acusado entrou medio espido e empezou a facerlle tocamentos. A moza, asustada, chamou unha amiga e isto amedrentou o acusado, pero minutos despois volvía ao cuarto. A moza logra escapar e agóchase na planta baixa da vivenda.

A fiscalía solicitaba para o acusado cinco anos de prisión, pero finalmente houbo un acordo entre as partes e reduciu a pena a un ano de prisión co eximente incompleto por alteración mental. O Ministerio Fiscal aceptou como proba un informe médico do acusado do servizo de Psiquiatría. Ademais do ano de prisión, impúxoselle a prohibición de achegarse á vítima e ao seu domicilio durante 5 anos e estará baixo liberdade vixiada durante seis anos.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

31/10/2019

Máis sobre Monforte de Lemos