Abanca rexistrou un beneficio atribuído de 209,8 millóns de euros durante os nove primeiros meses do 2021, un 46 % máis respecto a un ano antes, grazas fundamentalmente ao aumento dos ingresos recorrentes, ao control de gastos e á contención do custo do risco. En concreto, os ingresos recorrentes seguen gañando peso trimestre a trimestre na conta de resultados de Abanca, segundo resaltou a entidade.

Abanca resaltou que afronta a etapa de recuperación e transformación da economía desde unha posición de fortaleza financeira acreditada pola "máxima" calidade dos seus activos e a súa "cómoda" posición de liquidez.