O Tribunal Xeral da Unión Europea retiroulle este venres a inmunidade parlamentaria ao  expresidente catalán Carles Puigdemont e os outros dous eurodeputados de JxCAT: Toni Comín e Clara Ponsatí.

Nun acto ditado hoxe, o tribunal, con sede en Luxemburgo, revogou a decisión provisional que adoptou o pasado 2 de xuño de concederlles temporalmente a inmunidade parlamentaria ata que resolvese sobre o recurso que os tres eurodeputados presentaron contra a decisión do Parlamento Europeo de aceptar o  suplicatorio que solicitou o Tribunal Supremo.

Os xuíces desestiman a demanda de medidas provisionais que os tres eurodeputados interpuxeran en maio, pedindo supender a aprobación do suplicatorio porque permitía "a calaquera Estado membro e o Reino Unido detelos e restrinxir os seus desprazamentos e entregalos ás autoridades españolas".