A xustiza británica decide hoxe se extradita a Julian Assange aos Estados Unidos. O fundador de Wikileaks é reclamado polos Estados Unidos por dezaoito delitos de espionaxe e intrusión informática.

Julian Assange foi detido por axentes de Scotland Yard en abril de 2019, despois de permanecer case sete anos asilado na embaixada de Ecuador en Londres.

Desde a detención, o activista australiano está preso no cárcere de Belmarsh, no sueste da capital británica.