As lonxas e os portos galegos presentaron este ano 55 proxectos para modernizar as súas infraestruturas Farano coas axudas da Xunta, que superan os dous millóns e medio de euros nesta convocatoria.

Explicouno a Conselleira do Mar na visita a un dos proxectos, que xa está funcionando na lonxa de Ribeira: unha máquina de lavado de caixas. A condición para recibir as subvencións é que as iniciativas melloren a eficiencia enerxética, o respecto ao medio ambiente ou a seguridade laboral.