A Xunta vai solicitar fondos de reconstrución europeos para financiar os proxectos que tirarán pola nosa economía e que selecciona o comité galego de expertos. 

Trátase da planta de hidróxeno verde, a de tecidos vexetais e a de uso enerxético do xurro da gandaría.

Dixérono hoxe, na constitución da comisión encargada de elevarlle ao Goberno central os proxectos galegos que optan aos 140.000 millóns de euros de axudas financiados pola Unión Europea para España.