Setembro arranca con moi boas expectativas para o sector turístico en Galicia despois dun verán moi bo. Só nos primeiros días deste mes seláronse máis de 3.000 compostelas. Tanto o sector como a Xunta consideran que a marca Galicia gaña puntos entre os visitantes. Un dos últimos revulsivos para o turismo foi a Volta, que este ano rematou na praza do Obradoiro. O vicepresidente da Xunta, Alfonso Rueda, cre que o impacto para Galicia é moi positivo.