Novo capítulo na guerra política desatada polo baleirado dos encoros. Nun comunicado, a conselleira de Medio Ambiente criticou o que considera deslealdade institucional e desprezo do Goberno central ás competencias autonómicas.

Ángeles Vázquez lamenta que actuara sen dar explicacións e prescindindo da lei galega de pesca fluvial, que prevé a intervención da Consellería para que os baleirados non estraguen a fauna. Medio Ambiente xa ten abertos expedientes sancionadores á Confederación Hidrográfica do Miño-Sil e ás concesionarias de catro encoros baleirados en Lugo e Ourense.