Seguen as investigacións para dar co autor da morte da muller do Barco de Valdeorras que apareceu esganada hai semana e media. A xuíza encargada do caso acaba de permitir a repatriación do cadáver ao Paraguai. A súa embaixada en España farase cargo dos trámites, prevese que entre mañá e o domingo os seus familiares poidan xa velar o seu corpo.

O caso continúa baixo segredo de sumario. Polo momento non hai detencións e, malia que están abertas todas as liñas de investigación, a familia apunta a un móbil económico. Atopouna morta a súa compañeira de piso.