A escuridade deste ano tapounos a boca coa máscara, pero enchéunola de palabras novas. Unha catarata de conceptos. Cada vez máis palabras, cada vez máis expresións.

A RAG comezou xa na primavera a incluír os termos que máis se usaban, que logo ampliou. Agora o Servizo de Normalización Lingüística da USC publica en liña un nutrido vocabulario do coronavirus. Recomendan case 200 conceptos nesta listaxe.

Ao buscar un termo, atopámolo como mínimo en tres idiomas. E podemos buscar un termo en calquera idioma para logo atopalo en galego.