Terceiro día sen noticias do paradoiro de María Chico, unha muller de 76 anos que padece demencia e que desapareceu o sábado á noite nas proximidades da súa vivenda na parroquia da Enfesta, no rural de Santiago.

A policía incorporou hoxe ao dispositivo de busca efectivos das unidades de cabalería e drons que se suman aos da Axencia Galega de Emerxencias. Preto dun cento de veciños colaboran tamén nas tarefas de rastrexo.

María Chico mide metro e medio, ten o pelo curto e branco, usa lentes e, no momento da súa desaparición levaba un xersei marrón e pantalón azul.