A Unión Europea chega a un acordo para reducir un 55 % as súas emisións de CO2 para o ano 2030. O obxectivo final é acadar un impacto climático neutro no 2050, o que será obrigatorio para todos os estados membros.

Europa quere ser o primeiro continente climaticamente neutro. Isto é, cada ano emitir á atmosfera menos CO2 do que se captura industrialmente ou do que o propio medio ambiente é quen de absorber.

Cero emisións, polo tanto, en 2050. E un 55 % menos no 2030, en menos de 9 anos. Un esforzo industrial, social ou enerxético xigantesco para frear o quentamento global.

A UE ponse este reto xusto antes do Cumio Climático que este xoves convocou Joe Biden. Bruxelas agarda que o novo presidente dos Estados Unidos impulse un compromiso semellante no seu país.