As previsións do Ministerio de Sanidade poderían variar. A Unión Europea non permitirá a exportación das vacinas de AstraZeneca mentres non se cubran as cantidades de subministración asinadas nos contratos.

As autoridades comunitarias aseguran que mentres a farmacéutica non cumpra coas súas obrigas, todo o que se produza en chan europeo será distribuído aos europeos.

AstraZeneca comprometera 70 millóns de doses para o segundo semestre, pero polo momento só cubriu o 30 por cento desa cifra, pero si que cumpriu co 100 % da subministración comprometida co Reino Unido.