E ante eses retrasos nas entregas de AstraZeneca, a Unión Europea dálle un toque de atención. Non permitirá exportar as súas vacinas ata que a farmacéutica cumpra cos contratos.

Anunciouno o comisario do Mercado Interior, Thierry Breton. Dixo que mentres AstraZeneca non cumpra coas súas obrigas, todo o que se produza en chan europeo será distribuído entre os europeos.

Lembrou que a farmacéutica asinou a entrega de 70 millóns de doses e de momento só cubriu o 30 % desa cifra, mentres que co Reino Unido cumpriu ao 100 %.