Alemaña paraliza as vacinacións co fármaco de AstraZeneca ás persoas menores de 60 anos malia que esta mesma tarde, a Axencia Europea do Medicamento insiste en que non hai relación entre a idade e os trombos en persoas que recibiron á vacina. 

As investigacións da EMA segue sen atopar evidencias que xustifiquen restrinxir a vacina en certos grupos de idade. A Axencia Europea do Medicamento quere despexar tódalas dúbidas sobre ela. De feito, os seus expertos tampouco identifican que o xénero ou doenzas médicas previas sexan factores de risco para sufrir os trombos.

Pero ademais de Alemaña, Francia, Finlandia ou Suecia so a administran en persoas maiores. E outros como Dinamarca manteñen a súa suspensión. Á procura de alternativas a este tratamento segue na UE. Janssen comezará a repartir a súa vacina o 19 de abril. E Francia e Alemaña están a negociar directamente con Rusia un rápido desembarco na Unión da vacina Sputnik.